حكايا وقصص في حياتك انتم ...!!

[خيالية العبيد]

بسم الله الرحمن الرحيم
السلام وعليكم ورحمة الله وبركاته






بذور !



أمي تسولف بوحدة غالية أنه بدت تغسل كلى , وهي ماله الا طفل واحد
- الله يشفيه ويعافيه ويخليه له - قلت : ياليته تزرع كلية .
قال أخوي موب صغير بس الله يخلف خخ : يمممه وشلون زرع الكليه ببذور يعني خخ



بعير !



طبعًا أشين شي عند الحريم تطرين العمر ,
بنت خالتي تقول لأمه : يمه أنتي يوم أنتس صغيره لتس بعير هههه ياحبيله .
وتنهبل خالتي قالت : أمي وهي أمي ماركبت بعير خخ .



فيل للإيجار !



أخوي يوم أنه صغير قال وهو مستغرب : يمه بوه فيل للإيجار .. ؟
قالت أمي : وش هالخرابيط ، قال شوفي واثر واتسبديه مكتوب فيلا للإيجار هههه .



تعويض من الله !



عمة أمي - الله يحفظه - توفى رجله وله أطفال ،
المهم كل خوالي يبي يمشون لمكة وهي تبي تركب هي وعياله ولا لهم مكان ،
وقالوا كلهم : الشكوى الله لو بس أنتي كان يمكن بس المشكلة عيالك ،
ومشوا ، وهي تناظرهم وتتطلع دموعه وترفع إيدينه لربه : يارب أجعل أبنائي يوردونني مكة كُل عام ،
والأن - ماشاء الله - أبنائها يُشار إليهم بالبنان ، وكُل عام هي في مكة .



دجاج !



هذي شهود عمره اربع سنوات مخشه أخوه الصغير وطلع دم ،
وتصييييح : يممممه طلع دجاجي ! خخخخ
تقصد لحمي وتحسب الدجاج يقال لأي لحم خخ .



صاحبة قلب كبير



إمرأه من أقاربي زوجها لديه إثنتين غيرها وهي الأولى ،
تحمي الماء - قبل وجود السخانات - لجارتيها للوضوء لصلاة الفجر



الشرف ضاااع !



بسيارة مثل العادة أخواني يتهاوشون خخ ، أثر الهوشه زادت
أختي - الله يهديه طبعًا كانت صغيرة - لعّنت ، أخوي أنهبل قال :
يبه يبه أقتله أقتله ضيعت شرفنا شرف العائلة خخخ



خبيئي الحلوى !



هذي وحدة يوم كانت صغيرة كانت عمته توزع حلاو على البزران لازم ،
ومره ماوزعت - نست - الصغيرة قالت : عمه كان عندك حلاو وقريض
غبيهن لاتعطينهن أحد هههه , تقطعت العمه من الضحك
وجابت الحلاو ووزعت عليهم .



صداقه !



- ولد خالتي يوم أنه صغير راح لمدرسة جديدة ولايدري وشلون يصادق
جاء جاب فسحته وعصيره وشاف شلة قاعدين وقعد معهم ،
قالوا له : قم قم لابارك الله فيك .. جاي الوليد به العبرة من الكسحة .

- وأخوي قلت له : رح للحلقة ، قال : ماعندي أصدقاء قلت : وبس صادق
قال : لو أقول لواحد وش أسمك ؟ قال : وش تبي أنت تعرفن ؟
إذا قلت : لا , قال : أجل توكل , تحسبينهم مثل البنات مؤدبات خخخ .



نعاااامه !



يوم أنا بخامس أول مره أخذ رقم بنت ومستانسة ودي أروح للبيت أدق ذذ
المهم قلت لأختي الي أصغر من دقي أنتي ( يقالي مستحية خخ )
قالت وش أقول قلت قولي منزل الفلان وين نعيمة » أسم البنت
قالت أختي بوثق : وين نعامه ؟ واااتسدبية خخخ



قهوة غير !



هذي طموحي جبال يوم انه قنزه قالت له أمه زيني قهوة ،
جت البنت لأمه وهي تأشر على الزمزمية : يمه لين وشي الماء !! خخ



غطاء حتى عن الأسم !



ولد خالتي تونا متغطين عنه وانصدم ياويلي المهم أنه صار مخلص ص١
هو الي يتغطى إذا شافنا ، ودخل مره وأختي قاعدة رجع بسرعه وهو مرتبك ،
قالت أخته : وراك رجعت ؟ ، قال : اء اء بوه أخت أنس ,
( تغطى عن الأسم بعد أنواع البراءه ) .



فشيييلة !



أمي مره بعزيمة جاء أخوي قال يمه أبي ريال قالت أمي مامعي
ورن جوال وحده وتتطلعه وامي تمد ايده للمره والله ماتطلعينه وخزياه منتس
والمره تحلف تتكمل وامي تقول لا وخزياه منتس
واثر المره تقول والله لو معي مايغلى بس ابطلع الجوال هههههه
وطاحن بموجة ضحك خخخخخ




أتمنى أنكم إستمتعتم ولو قليلًا

[جنيبره]

حاولت كثيرا أن انسى الماضى وأن اتفرغ للمستقبل

لكنى أجد الماضى يأتى الى تفكيرى من كل الجهات

وعندما فكرت لماذا؟؟!!

وجدت أن الماضى هو السبب فى الحاضر والمستقبل

ومن منا يستطيع أن يغير الماضى؟!!!!!!!

ظل هذا السؤال بداخلى .........

حتى وجدت له الأجابه وهى ان لا يوجد احد

ومعنى إننا لا نستطيع تغيير الماضى

هو إننا لن نستطيع تحقيق مستقبل أفضل من الماضى ....الطلبة

[خيالية العبيد]

بارك الله فيك
يا حلوووو الولد شلون نايم
والله يكسر الخاطر نايم وقافي
هاهاهاهاهاهاهاهاه
تسلم عيوني